Өзін-өзі басқару күні: жаңа рөлдер, құнды тәжірибе және жарқын әсерлер!

3 қазанда біздің мектепте оқу жылының ең жарқын және есте қаларлық күндерінің бірі - Өзін-өзі басқару күні өтті! Бұл күні жоғары сынып оқушылары мұғалімдердің, тәрбиешілердің, сынып жетекшілерінің және тіпті әкімшіліктің рөлдерін сынап көрді.

Нағыз педагогтардың басшылығымен балалар сабақтарды өткізуге алдын ала дайындалып, тапсырмаларды жоспарлады, кабинеттерді рәсімдеп, сабақтың басталуын күтеді. Енді қоңырау соғылып, оқушылар сыныптарға енді жаңа рөлде кірді!

Сабақтар қызықты және ерекше өтті: ойын сәттерімен, интерактивті және шығармашылық тапсырмалармен. Бастауыш сынып оқушылары «жаңа» мұғалімдерді қызығушылықпен тыңдап, сабаққа қуана-қуана қатысты. Күн достық пен көңілді атмосферада өтті.

Балалар үшін бұл тек мереке ғана емес, сонымен қатар құнды өмірлік тәжірибе болды. Олар педагогтың еңбегінің қаншалықты қиын және маңызды екенін сезініп, жауапкершілікті, ұйымдастырушылық пен өзара түсіністікті үйренді.

Барлық қатысушылар мен нағыз педагогтарға қолдау, кеңес және сенім үшін алғыс айтамыз. Өзін-өзі басқару күні баршаға жағымды эмоциялар сыйлап, мектептегі достық пен ынтымақтастықтың нағыз мерекесіне айналды!