Соңғы қоңырау мерекесі

25 мамыр күні мектебімізде түлектер, ұстаздар, ата-аналар және барлық оқушылар үшін маңызды әрі толғанысты «Соңғы қоңырау» мерекесі салтанатты түрде аталып өтті.Бұл күні түлектерге жаңа өмір кезеңіне қадам басар сәтте ақжарма тілектер мен жүрекжарды лебіздер айтылды. Мектеп директоры педагогикалық ұжымға кәсібилігі, өз ісіне адалдығы және өскелең ұрпақты тәрбиелеуге қосқан үлесі үшін алғыс білдірсе, оқушыларға білімдегі, шығармашылықтағы, спорттағы жетістіктері мен мектеп өміріне белсенді қатысқандары үшін ризашылығын жеткізді.Іс-шара барысында марапаттау рәсімі өткізілді. Алғыс хаттар білім беру мен тәрбие саласындағы жоғары нәтижелері, адал еңбегі үшін ұстаздарға, сондай-ақ оқу озаттары, олимпиада, байқау, спорт жарыстары мен қоғамдық жұмыстарда белсенділік танытқан оқушыларға табысталды.Мереке жылы әрі әсерлі атмосферада өтті. Түлектер шығармашылық нөмірлерін ұсынып, ұстаздары мен ата-аналарына алғыстарын білдіріп, жиналған қауымға ерекше көңіл күй сыйлады.Түлектерімізге алдағы емтихандарды сәтті тапсырып, армандарына нық қадам басып, өмірден өз жолдарын табуларына тілектеспіз. Мектеп қабырғасындағы жарқын сәттер әрқашан жүректерінде сақталсын!